თეა წულუკიანი ხელბურთის ფედერაციის ხელმძღვანელობას შეხვდა
საქართველოს კულტურის, სპორტისა და ახალგაზრდობის მინისტრი თეა წულუკიანი, მინისტრის მოადგილე სოსო გიორგაძესთან ერთად, ხელბურთის ფედერაციის პრეზიდენტს ვახტანგ მეიფარიანს და ფედერაციის სხვა ხელმძღვანელ პირებს შეხვდა.
მინისტრმა ხელბურთის ფედერაციის ხელმძღვანელობასთან ქართულ ხელბურთში არსებული სიტუაცია და სპორტის ამ სახეობის წინაშე მდგარი გამოწვევები განიხილა. საუბარი ასევე შეეხო სამომავლო გეგმებს, ფედერაციის მიერ შემუშავებულ ახალ წესდებასა და 2022 წლის ბიუჯეტის პროექტს.
თეა წულუკიანმა ფედერაციასა და სპორტსმენებს წარმატებები უსურვა და სრული მხარდაჭერა აღუთქვა.
საქართველოს კულტურის, სპორტისა და ახალგაზრდობის სამინისტროში სპორტსმენებთან და სპორტულ ორგანიზაციებთან შეხვედრები გრძელდება და მინისტრი სპორტის თითოეულ სახეობაში არსებული სიტუაციის შესახებ უშუალოდ სპორტსმენებისა და სპორტული ორგანიზაციებისგან იღებს ინფორმაციას.
შემოუერთდით ჩვენს Facebook ჯგუფს საგოლე გადაცემა
