მესამე ქართველი NBA-ში - ბეჟანიშვილმა "დენვერთან" ხელშეკრულება გააფორმა

eurobasket.com-ის ინფორმაციით გიორგი ბეჟანიშვილმა „დენვერ ნაგეტსთან“ 1 წლიანი ხელშეკრულება გააფორმა. თანამშრომლობის დეტალები კი მოგვიანებით გავრცელდება. 22 წლის ფორვარდმა „დენვერთან“ ერთად ზაფხულის ლიგის მატჩები გამართა.

ბეჟანიშვილმა „მაიამი ჰიტთან“ პარკეტზე 14 წუთი და 37 წამი გაატარა და აქტივში 4 ქულა და 3 მოხსნა (ერთი მეტოქის ფარზე) ჩაიწერა. ქართველმა ცენტრმა 3-დან 2 ორქულიანი ჩააგდო, 1 სამიანი გააფუჭა, 5 პერსონალური ფოლი მიიღო და ბურთი 3-ჯერ დაკარგა.

ქართველმა კალათბურთელმა შემდგომი მატჩები „დალასთან“ და „ფინიქსთან“ გამოტოვა. ბოლო მატჩში კი NBA-ის საზაფხულო ლიგის ისტორიაში ქართველმა კალათბურთელებმა ერთმანეთის წინააღმდეგ პირველად იასპარეზეს და სათამაშო დრო ორივე მათგანს მიეცა. ბეჟანიშვილმა პარკეტზე 7 წუთი და 16 წამი გაატარა, მამუკელაშვილს კი „მილუოკის“ მაისურით საუკეთესო მატჩი ჰქონდა.

„მამუმ“ შეხვედრა სასტარტო ხუთეულში დაიწყო, 22 წუთზე ოდნავ მეტი ითამაშა და 20 ქულა, 7 მოხსნა და 1 დაფარება გაიფორმა. სანდრომ თამაშიდან და პერიმეტრიდან შესანიშნავი პროცენტით შეუტია - 4-დან 3 სამქულიანი, 12-დან 8 გამოყენებული ტყორცნა, ბურთი კი 3-ჯერ დაკარგა, 1 პერსონალური ფოლი მიიღო და „მილუოკიმ" მატჩის საუკეთესო კალათბურთელად დაასახელა. ბეჟანიშვილს რაც შეეხება, გიორგიმ 2 ქულა, 1 დაფარება და 1 შედეგიანი გადაცემა მიითვალა.

შეგახსენებთ,რომ ბეჟანიშვილი გასულ სეზონში "ილინოისის" რიგებში საშუალოდ 14.7 წუთს თამაშობდა, რა დროშიც მისი მონაგარი 5.1 ქულა, 2.7 მოხსნა, 0.4 გადაცემა იყო.

აღსანიშნავია,რომ გიორგი NBA-ის დრაფტზე არასდროს არ ყოფილა. ასევე გამოსარჩევია,რომ ახალგაზრდა კალათბურთელი ავსტრიის მოქალაქეა და იმედია ბეჟანიშვილი საქართველოს პასპორტს მალე აიღებს და ეროვნულ ნაკრებს ევრობასკეტზე დაეხმარება.

შემოუერთდით ჩვენს Facebook ჯგუფს საგოლე გადაცემა