კავაისა და ჯორჯის გმირობა - კლიპერსი სერიაში დაბრუნდა და ჩამორჩენა შეამცირა
„ლოს ანჯელეს კლიპერსმა“ „იუტა ჯაზთან“ სერიაში ჩამორჩენა შეამცირა. სტუმრად გამართული 2 შეხვედრის შემდეგ, კავაი ლეონარდისა და პოლ ჯორჯის გუნდი „ჯაზმენებს“ საკუთარ კედლებში დაუპირისპირდა და მეტოქე 132-106 გაანადგურა.
„კლიპერსმა“ ის თამაში აჩვენა, რომელსაც გულშემატკივრები მისგან ითხოვენ. ლოს ანჯელესელები უპირატესობას მთელი შეხვედრის განმავლობაში ფლობდნენ და პირველი ტაიმი 15 ქულით მოიგეს, ხოლო მეოთხე მეოთხედში წინ 28 ქულითაც იყვნენ.
Total team effort.
— LA Clippers (@LAClippers) June 13, 2021
???? @honey highlights from the Game 3 win. pic.twitter.com/WkiIRw6Dq0
„კლიპერსს“ კავაი ლეონარდმა ულიდერა, რომელმაც 34 ქულა, 12 მოხსნა, 5 შედეგიანი გადაცემა და 1 დაფარება დააგროვა. პოლ ჯორჯის ანგარიშზე 31 ქულა და 5 ასისტი იყო. ნიკოლა ბატუმმა და რეჯი ჯექსონმა კი 17-17 ქულა მიითვალეს.
Kawhi rises up and finishes with the right! pic.twitter.com/lgR2H8f1Ji
— LA Clippers (@LAClippers) June 13, 2021
„იუტას“ რიგებში საუკეთესო დონოვან მიჩელი იყო, რომელმაც 30 ქულა ჩააგდო. ჯო ინგლსი 19 ქულას დასჯერდა. რუდი გობერმა 12 ქულა და 10 მოხსნა გაიფორმა, ხოლო ჯორდან კლარკსონმა მატჩი 14 ქულით დაასრულა.
????| @spidadmitchell ⤵️
— utahjazz (@utahjazz) June 13, 2021
30p | 5 3pm | 5r | 4a | 2s pic.twitter.com/U00rM8nY2X
შეგახსენებთ, რომ „იუტა“ სერიას 2-1-ს იგებს და მომდევნო შეხვედრას კვლავ სტუმრად გამართავს. „კლიპერსს“ ანგარიშის გათანაბრების შანსი 15 ივნისს ჩანიშნულ შეხვედრაში მიეცემა.