„ჰოლანდს ტიტულების მოგება სურს, ბარსელონას მოუხდებოდა“ - მენდიეტა

ესპანეთის ნაკრების ყოფილმა ფეხბურთელმა, გაისკა მენდიეტამ „მანჩესტერ სიტის“ ფინანსურ დარღვევებზე ისაუბრა და გამოთქვა ვარაუდი, რომ მანჩესტერული კლუბის პრემიერლიგიდან დისკვალიფიცირების შემთხვევაში ერლინგ ჰოლანდი „ქალაქელებს“ დატოვებს.

მენდიეტა:

„სიტისთან“ დაკავშირებით გამოტანილი გადაწყვეტილებიდან გამომდინარე ძალიან საინტერესოა, როგორ გადაწყდება ერლინგ ჰოლანდის მომავალი. 

მისნაირ ფეხბურთელებს ტიტულების მოგება სურთ. რა თქმა უნდა, ჰოლანდის ფასი ძალიან მაღალი იქნება, სულ მცირე 100 მილიონი, იმიტომ რომ სატრანსფერო ბაზარი ასეა მოწყობილი.

ჰოლანდი როგორც „ბარსელონაში“, ისე „რეალში“ შეიძლება აღმოჩნდეს, მაგრამ „ბლაუგრანას“ სტილი მას უფრო შეესაბამება“.