კლიპერსი ისევ 0-2-ს აგებს - ჯაზმა მეორე შეხვედრაც მოიგო
„ლოს ანჯელეს კლიპერსი“ რთულ მდგომარეობაში კიდევ ერთხელ აღმოჩნდა. ტაირონ ლუს გუნდმა „დალასთან“ წაგებული საწყისი 2 შეხვედრის შემდეგ, იგივე „იუტა ჯაზთან“ გააკეთა და „ჯაზმენებთან“ სტუმრად გამართული ორივე დაპირისპირება დათმო.
პირველი მატჩისგან განსხვავებით, მეორე შეხვედრა „იუტას“ კარნახით დაიწყო. „ჯაზმა“ საწყისი ნახევარი 13 ქულით მოიგო, თუმცა მეორე ტაიმი „კლიპერსის“ უპირატესობით წარიმართა. ლოს ანჯელესელები მეოთხე მეოთხედში 2 ქულითაც დაწინაურდნენ, მაგრამ დარჩენილ დროში უკეთ „იუტამ“ იასპარეზა და დამსახურებულად იმარჯვა - 117-111.
JOE INGLES. SPLASH.
— NBA (@NBA) June 11, 2021
9 straight @utahjazz points to reopen a 10-point lead with 3:07 left on ESPN! #NBAPlayoffs pic.twitter.com/rstuhCS0aQ
„ჯაზს“ 37 ქულით დონოვან მიჩელმა ულიდერა. ჯო ინგლსს 19 ქულა, 4 მოხსნა და ამდენივე ასისტი ჰქონდა. ბოგდანოვიჩის ანგარიშზე 16 ქულა იყო, ხოლო ჯორდან კლარკსონი 24 ქულას დასჯერდა.
????| @spidadmitchell ⤵️
— utahjazz (@utahjazz) June 11, 2021
37p | 6 3pm | 4a | 3r pic.twitter.com/MEy5lsbrdV
„კლიპერსის“ რიგებში 29 ქულით საუკეთესო რეჯი ჯექსონი გახლდათ. პოლ ჯორჯმა 27 ქულა, 10 მოხსნა და 6 შედეგიანი გადაცემა დააგროვა. კავაი ლეონარდმა კი მატჩი 21 ქულით, 4 მოხსნითა და 5 ასისტით დაასრულა.
BIG TIME BUCKET. pic.twitter.com/WY266ozOOu
— LA Clippers (@LAClippers) June 11, 2021
როგორც უკვე აღვნიშნეთ, „იუტა“ სერიაში 2-0-ს იგებს და მომდევნო შეხვედრა „სტეიპლს სენთერში“ გაიმართება. NBA-ის გულშემატკივრები სერიის მესამე მატჩს 13 ივნისს იხილავენ.
