მორიგი აღიარება - კვარაცხელია რუბინის თვის საუკეთესო ფეხბურთელია!
ყაზანის „რუბინის“ გულშემატკივრებმა ქართველი შემტევი, ხვიჩა კვარაცხელია კიდევ ერთხელ გამოარჩიეს. რუსული კლუბის ოფიციალურ საიტზე აპრილის თვის საუკეთესო ფეხბურთელის გამოსავლენად გამოკითხვა ჩატარდა და ქომაგების რჩეული „კვარა“ გახდა.
ხვიჩასთან ერთად, პრიზისთვის დარკო იევტიჩი, იური დიუპინი, ოლივერ აბილდგორი, ფილიპ ურემოვიჩი და კარლ სტარფელტი იბრძოდნენ, თუმცა კვარაცხელიამ დამაჯერებლად იმარჯვა და ხმების 90 პროცენტი მიიღო.
Кварацхелия – лучший игрок «Рубина» в апреле! ????
— «Рубин» Казань (@fcrk) May 3, 2021
???? За Хвичу проголосовали 90% болельщиков.
В минувшем месяце Квара сыграл три игры, в которых были одержаны три победы. На счету Хвичи победный мяч в ворота @pfcsochi ???? pic.twitter.com/V1Lx0AAQoY
აპრილში „რუბინმა“ 4 მატჩი ჩაატარა და კვარაცხელიამ მონაწილეობა 3 შეხვედრაში მიიღო. მის ანგარიშზე 1 გოლია, რომელიც მან „სოჭის“ შეუგდო და საკუთარ გუნდს 3 ქულა მოუტანა. ხვიჩამ „როსტოვის“ წინააღმდეგაც იასპარეზა, ხოლო „ურალთან“ მატჩის პირველ ტაიმში დაშავდა და 32-ე წუთზე შეცვალეს, რის გამოც „კრასნოდართან“ იუქმა.
შეგახსენებთ, რომ 20 წლის ქართველ ტალანტს რამდენიმე გრანდს უკავშირებენ. უდიდესი ალბათობით, ქართველი ფეხბურთელი მიმდინარე სეზონის დასრულების შემდეგ ყაზანს დატოვებს და კარიერას ევროპაში გააგრძელებს. მის მიმართ ინტერესს „მილანი“, „იუვენტუსი“, „დორტმუნდი“ და „ინტერი“ იჩენენ, თუმცა ბოლოდროინდელი ინფორმაციით, ფავორიტები „გლადბახი“ და „სევილია“ არიან.