შერმადინის 15 ქულა - ტენერიფემ კვლავ გაიმარჯვა
ესპანეთის საკალათბურთო ჩემპიონატში "ტენერიფემ" მიჯრით მერვე მატჩი ჩაატარა და "ბეტისი" 77:73 დაამარცხა. აღსანიშნავია, რომ გიორგი შერმადინის გუნდმა რვიდან შვიდი შეხვედრა მოიგო.
✈️ ¡A volaaaaaaaaaaaaaaaaaaaaaar MVP SHERMINATOR! ¡Saca el MARTILLO @gioshermadini!
— Liga Endesa (@ACBCOM) November 8, 2020
???? En directo en @MovistarBasket #NoEsNormal#LigaEndesa pic.twitter.com/Nbsn4Gg7q7
თავად გიორგიმ კი "ბეტისს" 15 ქულა ჩაუგდო. ქართველმა ცენტრმა პარკეტზე 20 წუთი და 56 წამი დაჰყო. 15 ქულასთან ერთად მან 5 მოხსნა, 2 პასი და 1 დაფარება მიითვალა. შერმადინმა 4 პერსონალური ფოლი მიიღო და ბურთი სამჯერ დაკარგა.
შეგახსენებთ, რომ ამჟამად "ტენერიფე" ესპანეთის ჩემპიონატში მეორე/მესამე ადგილს "ბასკონიასთან" იყოფს. ვიდორეტას გაწვრთნილ გუნდზე წინ მხოლოდ მადრიდის "რეალია". აღსანიშნავია, რომ ხსენებულ ორ კლუბს ორი მატჩით მეტი აქვთ ჩატარებული.
მადრიდის "რეალი" - 10 თამაში 10 მოგება
"ბასკონია" - 10 თამაში 7 მოგება 3 წაგება
მომდევნო მატჩს "ტენერიფე" 12 ნოემებერს "მანრესას" წინააღმდეგ გამართავს.