ლეიკერსმა იუტა დაამარცხა და დასავლეთ კონფერენციაში პირველი ადგილი გაინაღდა
ლოს-ანჯელეს „ლეიკერსმა“ საკუთარ ისტორიაში მე-17-ედ დასავლეთ კონფერენციის პირველი ადგილი გაინაღდა. გამთენიისას ლებრონ ჯეიმსი და კომპანია „იუტა ჯაზს“ დაუპირისპირდნენ და მეტოქე 116-108 დაამარცხეს.
Lakers officially clinch the #1 seed in the West ???? pic.twitter.com/UIYQu0vkhj
— Bleacher Report (@BleacherReport) August 4, 2020
„ლეიკერსის“ წარმატების მთავარი შემოქმედი ენტონი დევისი გახლდათ, რომელიც ორივე გუნდის რიგებში საუკეთესო იყო და აქტივში 42 ქულა, 12 მოხსნა, 4 შედეგიანი გადაცემა და 3 ჩაჭრა ჩაიწერა. „მეფემ“ 22 ქულა, 8 მოხსნა და 9 ასისტი დააგროვა, დუაით ჰოვარდი კი 11 ქულას დასჯერდა.
HIGHLIGHTS: @KingJames caps off the night with 22 points and 9 dimes. pic.twitter.com/SxulBEpabU
— Los Angeles Lakers (@Lakers) August 4, 2020
HIGHLIGHTS: @AntDavis23 was an unstoppable force tallying 42 points and going 4-for-8 from deep. pic.twitter.com/HK5kQA1cNQ
— Los Angeles Lakers (@Lakers) August 4, 2020
„იუტას“ მხრიდან 33 ქულით დონოვან მიჩელი გამოირჩა. მაიკ კონლიმ 24 ქულა ჩააგდო, ხოლო რუდი გობერმა ორმაგი დუბლი გაიფორმა - 16 ქულა, 13 მოხსნა.
???? | @spidadmitchell ⤵️
— utahjazz (@utahjazz) August 4, 2020
33p | 5r | 4a | 4 3pm | 11-12 ft pic.twitter.com/M3h1IUWR6s
„ლეიკერსმა“ დასავლეთ კონფერენციაში საუკეთესო შედეგი ბოლოს 2010 წელს დააფიქსირა. მაშინ ლოს-ანჯელესელებს კობი ბრაიანტი ლიდერობდა და „შავმა მამბამ“ გუნდს საჩემპიონო ბეჭდებიც მოაპოვებინა.
ცნობისთვის, „ლეიკერსი“ მომდევნო შეხვედრას 6 აგვისტოს გამართავს და „ოკლაჰომა სითი თანდერს“ შეერკინება. „იუტა“ კი ხვალ „მემფის გრიზლისს“ დაუპირისპირდება.
