ყველა დროის პირადი რეკორდის გამეორება - სევილია ლიგის საგზურის გაფორმებასთან ერთ ნაბიჯშია
ლა ლიგის 35-ე ტურში, „სევილიამ“ სტუმრად „ბილბაო“ 2:1 დაამარცხა და წაუგებელ მატჩთა სერია 12-მდე გაზარდა. სევილიელები ლა ლიგაში თავიანთთვის სარეკორდი დაუმარცხებელი სერიის რეკორდს გაუთანაბრდნენ.
მათ 2008 წელს, მანოლო ხიმენესის ხელმძღვანელობით, ჩემპიონატის ზედიზედ 12 შეხვედრა არ წააგეს, გუშინდელი გამარჯვების შემდეგ კი ლოპეტეგის ფორმაციის „სევილიასაც“ ანალოგიური სვლა აქვს. განსხვავება ისაა, რომ ხიმენესის შეგირდებმა 12-დან 9 მატჩი მოიგეს, ლოპეტეგის გუნდმა კი 6-ჯერ გაიმარჯვა და 6-ჯერ ფრედ ითამაშა.
12 - Julen Lopetegui's @SevillaFC_ENG are unbeaten their last #LaLiga 12 games (W6 D6), the best run for the club without losing in the competition ever (level with the run under Manolo JIménez in 2008, W9 D3). Händel#AthleticSevillaFC pic.twitter.com/MlTsDw73F4
— OptaJose (@OptaJose) July 9, 2020
ანდალუსიელებს ჩემპიონატში 9 თებერვალს "სელტასთან" სტუმრად განცდილი მარცხის შემდეგ აღარ წაუგიათ. მათ ისტორიული რეკორდის გაუმჯობესების შანსი შემდეგ ტურში „მალიორკასთან“ ექნებათ. შეხვედრა სევილიელთა სტადიონზე, 12 ივლისს ჩატარდება.
„სევილიამ“ გუშინდელი მატჩი ბანეგასა და ელ ჰადადის გოლებით მოიგო, თავი 63 ქულა მოუყარა და ჩემპიონთა ლიგის საგზურის მოპოვებასთან უკვე ერთ ნაბიჯშია. ჩემპიონატის დამთავრებამდე 3 ტურით ადრე, ლოპეტეგის გუნდი მე-5 ადგილოსან „ვილიარეალს“ 6 ქულით უსწრებს.