ოფიციალურად: ოდრიოსოლა "ბაიერნში" ითამაშებს!
მადრიდის "რეალმა" და მიუნხენის "ბაიერნმა", ალვარო ოდრიოსოლას იჯარის თაობაზე, შეთანხმებას მიაღწიეს. ესპანელი მარჯვენა მცველი ბავარიულ კლუბში, განათხოვრების წესით, 2-ნომრიანი მაისურით ითამაშებს.
მხარეებმა საბოლოო შეთანხმების შესახებ ოფიციალურად გამოაცხადეს, ოდრიოსოლა უკვე მიუნხენში იმყოფება, სადაც სამედიცინო შემოწმება გაიარა და დღეს, ახალ თანაგუნდელებთან ერთად პირველად ივარჯიშებს.
#ServusÁlvaro ????#FCBayern #MiaSanMia pic.twitter.com/YQWZBg5sND
— FC Bayern English (@FCBayernEN) January 22, 2020
24 წლის განაპირა მცველი გერმანულ გრანდში მშრალი იჯარით ითამაშებს, შემდეგ კი კვლავ "სამეფო კლუბს" დაუბრუნდება.
ალვარო ოდრიოსოლა "რეალმა" 2018 წელს "სოსიედადიდან" შეიძინა და მის სანაცვლოდ ჯამში 35 მილიონი ევრო გადაიხადა.