Aa Aa
22 ოქტომბერი 2019  |  10:14

ნეიმარი: "პარი სენ-ჟერმენის გულშემატკივრების კარგად მესმის"...

„პარი სენ-ჟერმენის“ სუპერვარსკლავი, ნეიმარი დარწმუნებულია, რომ უახლოეს პერიოდში მასსა და პარიზული გრანდის ქომაგებს შორის ურთიერთობა გამოსწორდება. ბრაზილიელმა ფეხბურთელმა პსჟ-ს გულშემატკივრების რისხვა ზაფხულში დაიმსახურა, როცა „პარკ დე-პრენსის“ დატოვებასა და „კამპ ნოუზე“ გადასვლას ცდილობდა.

ფრანგული გუნდის ფანატები „ნეის“ აქტიურად აკრიტიკებენ და დროგამოშვებით რადიკალურ ქმედებებსაც მიმართავენ. თუმცა 27 წლის შემტევი მომავალს იმედიანად უყურებს და RMC Sport-თან საუბრისას აცხადებს: „პსჟ-ს გულშემატკივრების კარგად მესმის, მაგრამ როცა საკუთარ სამსახურში ბედნიერი არ ხარ, ახალი ვარიანტების ძებნას იწყებ და სამუშაო ადგილის შეცვლა გსურს“.

„ამ ყველაფრის მიუხედავად, მე მაინც კლუბში დავრჩი. პსჟ-ში წარმატების მისაღწევად მაქსიმუმს გავაკეთებ და ქომაგთა სიყვარული აუცილებლად დაბრუნდება“.

„მე პროფესიონალი ვარ და კლუბისთვის 100 პროცენტით ვიხარჯები. მაქსიმალურად ვეცდები პარი სენ-ჟერმენს წარმატების მიღწევაში და განსაკუთრებით ჩემპიონთა ლიგის მოგებაში დავეხმარო“.

„ყველა ჩემი თანაგუნდელი მაღალი დონის ფეხბურთელია და ვფიქრობ 2019-20 წლების სეზონი პსჟ-სთვის წარმატებული იქნება“.

გაზიარება:

მსგავსი სიახლეები