Aa Aa
1 სექტემბერი 2019  |  18:37

მსოფლიო ჩემპიონატი - ფავორიტების დამაჯერებელი გამარჯვებები

ჩინეთში მიმდინარე მსოფლიო ჩემპიონატის მეორე დღის ყველაზე საინტერესო მატჩი საფრანგეთისა და გერმანიის ნაკრებებს შორის გაიმართა.

"ლურჯებმა" კარგად დაიწყეს და პირველი მეოთხედი 16-4 მოიგეს. ისინი თამაშის ტემპს მეორე ათწუთეულის განმავლობაშიც აკონტროლებდნენ და დიდ შესვენებაზე 16 ქულიანი ჰანდიკაპით გავიდნენ.

ჩაგდებული პირველი ტაიმის მიუხედავად, გერმანიამ ბოლომდე იბრძოლა და მატჩის მიწურულს თამაშის გადარჩენის შანსიც ჰქონდა. დენის შროდერსა და კომპანიას იღბალი დააკლდათ და საბოლოოდ 78-74 დამარცხდნენ.

შეხვედრის საუკეთესო მოთამაშე 26 ქულით ევან ფურნიე გახდა. ამატ მბაიემ აქტივში 21 ქულა ჩაიწერა. რუდი გობერი კი 9 ქულით, 9 მოხსნითა და 5 დაფარებით გამოირჩა.

გერმანელებს 25 ქულით იოჰანეს ვოიტმანმა ულიდერა. დენის შროდერმა გუნდს 23 ქულა შესძინა. რობინ ბენცინგმა კი მატჩი 8 ქულით დაასრულა.

საფრანგეთის მსგავსად, პირველი გამარჯვება აშშ-მაც მოიპოვა. გრეგ პოპოვიჩის გუნდმა დამაჯერებლად იასპარეზა და ჩეხეთი 88-67 დაამარცხა.

ამერიკელთა მხრიდან 16 ქულით დონოვან მიჩელი გამოირჩა. ჰარისონ ბარნსმა თავი 14 ქულას მოუყარა. კემბა უოკერმა კი 13 ქულა გაიფორმა.

სხვა მატჩების შედეგები

ახალი ზელანდია - ბრაზილია 94 - 102

დომინიკის რესპუბლიკა - იორდანია 80 - 76

თურქეთი - იაპონია 86 - 67

სენეგალი - ლიეტუვა 47 - 101

საბერძნეთი - მონტენეგრო 85 - 60

 

გაზიარება:

მსგავსი სიახლეები