NBA-ის გასული ტურის მატჩების მიმოხილვა
დენვერი - დალასი 126 - 118
გამთენიისას ნაციონალ საკალათბურთო ასოციაციაში 4 შეხვედრა გაიმართა. ცენტრალური მატჩი კოლორადოში შედგა. ადგილობრივმა „დენვერმა“ ლუკა დონჩიჩის „დალასს“ უმასპინძლა და დამაჯერებელი გამარჯვება მოიპოვა.
„ნაგეთსი“ უპირატესობას მთელი შეხვედრის განმავლობაში ფლობდა და სასურველი შედეგის დაფიქსირება არ გასჭირვებია.
კოლორადოელებს ტრადიციულად ნიკოლა იოკიჩმა ულიდერა. სერბმა ცენტრმა აქტივში 32 ქულა და 16 მოხსნა ჩაიწერა. ჯამალ მარი 22 ქულით გამოირჩა, ტრეი ლაილზმა და მონტე მორისმა კი გუნდს 16-16 ქულა შესძინეს.
A FESTIVUS FOR THE REST-OF-US. pic.twitter.com/MrlTjm23Q7
— Denver Nuggets (@nuggets) December 19, 2018
„დალასის“ რიგებში 30 ქულით ჰარისონ ბარნსი გამოირჩა. ლუკა დონჩიჩმა თავი 23 ქულას და 12 შედეგიან გადაცემას მოუყარა. უესლი მეთიუზმა კი მატჩი 14 ქულით დაასრულა.
WE'RE FIGHTING BACK. #MFFL pic.twitter.com/bDUfESQcqG
— Dallas Mavericks (@dallasmavs) December 19, 2018
ბრუკლინი - ლეიკერსი 115 – 110
ლებრონ ჯეიმსის „ლეიკერსს“ ჩავარდნა აქვს. ლოს-ანჯელესელებმა ზედიზედ მეორე შეხვედრა წააგეს და ამჯერად „ბრუკლინთან“ დამარცხდნენ.
„ნეთსს“ 22 ქულითა და 13 შედეგიანი გადაცემით დეანჯელო რასელმა ულიდერა. სპენსერ დინუიდიმ აქტივში 18 ქულა ჩაიწერა, ხოლო ჯო ჰერისმა გუნდს 19 ქულა შესძინა.
Dagger.
— Brooklyn Nets (@BrooklynNets) December 19, 2018
❄️❄️❄️ pic.twitter.com/TGZQNXZmEg
„მეფემ“ თავი 36 ქულას, 13 მოხსნას და 8 შედეგიან გადაცემას მოუყარა. ლონზო ბოლმა 23 ქულა დააგროვა, ხოლო კაილ კუზმა 22 ქულითა და 11 მოხსნით გამოირჩა.
???? Lonzo Ball finished with 23 points and 6 boards tonight, including hitting 5 shots from downtown. pic.twitter.com/vBHvAYpEzw
— Los Angeles Lakers (@Lakers) December 19, 2018
სხვა მატჩების შედეგები
ინდიანა - კლივლენდი 91 – 92
ატლანტა - ვაშინგტონი 118 - 110
