დელ ბოსკე: "კასილიასის ევროპის ჩემპიონატზე წასვლა ჯერ კითხვის ნიშნის ქვეშაა!"
იკერ კასილიასმა ბოლო პერიოდში არადამახასიათებელი შეცდომების დაშვება რომ დაიწყო, ეს არახალია. სწორედ ამის გამო აქტიურად ალაპარაკდნენ მისი ნაკრებს მიღმა დარჩენის თაობაზე და როდესაც ჟურნალისტებმა ანალოგიური შინაარსის კითხვა ესპანეთის უპირველესი გუნდის მთავარ მწვრთნელს დაუსვეს, ეს არც დელ ბოსკემ გამორიცხა.
"ნაკრებში გარანტირებული ადგილი არავის აქვს, მათ შორის არც კაპიტანს. ჩვენ უამრავი უმაღლესი დონის ოსტატი გვყავს, შესაბამისად გუნდში რომ მოხვდე კონკრეტულ მომენტში ყველაზე უკეთ უნდა იყო მზად. სწორედ სათამაშო კონდინციებს მივაქცევ ყურადღებას 17 მაისს, როცა ჩემი გუნდის საევროპისჩემპიონატო განაცხადს შევადგენ. იქამდე დიდი დროა, მან სტაბილურად თამაში უნდა განაგრძოს, წინააღმდეგ შემთხვევაში რთული გადაწყვეტილების წინაშე აღმოვჩნდები, თუმცა იმედი მაქვს ყველაფერი მისდა სასიკეთოდ იქნება". - დასძინა ლეგენდარულმა სპეციალისტმა ჟურნალისტებთან საუბრისას.
სხვათა შორის, სენიორ დელ ბოსკემ არც ვიქტორ ვალდესის ეროვნულ გუნდში დაბრუნდება გამორიცხა, რომელიც როგორც მოგეხსენებათ, ბელგიურ "სტანდარდში" გადავიდა, სადაც, წესით სათამაშო პრაქტიკა არ უნდა მოაკლდეს.
