შეხვედრა მიუნხენის ''ბაიერნთან'' - შეყილაძემ ''ლოკომოტივი'' მარცხისგან იხსნა
საფეხბურთო კლუბ თბილისის ''ლოკომოტივის'' 19 წლამდე გუნდი ამხანაგურ მატჩში მიუნხენის ''ბაიერნის'' 19 წლამდე გუნდს შეხვდა. შეხვედრა ფრედ 1:1 დასრულდა. მატჩი მიუნხენში ''ბაიერნის'' აკადემიის ბაზაზე გაიმართა.
პირველ ტაიმში ერთადერთი გოლი მასპინძლებმა გაიტანეს. მე-11 წუთზე მარინ პუდიჩმა ''ბაიერნი'' დააწინაურა.
შესვენების შემდეგ ''ლოკომ'' ანგარიში გაათანაბრა, სულიკო დავითაშვილის გაწვრთნილი გუნდიდან საპასუხო გოლი 52-ე წუთზე შოთა შეყილაძემ შეაგდო.
თბილისის ''ლოკომოტივის'' შემადგენლობა გერმანულ კლუბთან შეხვედრაში:
გუგუშვილი (მიქავა), ჯაფარიძე (ბაქრაძე), სირაძე, ბუიღლიშვილი, ჯავახიშვილი, ჯინჭარაძე (ნაჭყებია), ჯანაშია (კაპ), ოქროპირიძე (ძაძამია), გრძელიძე, ინჯგია (ქაჯაია), შეყილაძე (იაკობიძე)
Die #FCBU19 und Lokomotive Tiflis trennen sich 1:1. #FCBayernCampus pic.twitter.com/7q1dAodHuW
— FC Bayern Campus (@FCBjuniorteam) July 7, 2018
მატჩის შემდეგ ''ბაიერნის'' 19 წლამდე გუნდის მთავარმა მწვრთნელმა სებასტიან ჰიონესმა მცირე კომენტარი გააკეთა.
"ჩვენი ახალგაზრდული გუნდით სეზონის პირველი ამხანაგური მატჩი ჩავატარეთ. თბილისელებმა წინააღმდეგობა გაგვიწიეს, განსაკუთრებით ფიზიკურად" - ჰიონესის სიტყვებს ''ლოკომოტივის'' ოფიციალური ვებგვერდი ავრცელებს.
