საფრანგეთი Vs სამხრეთ აფრიკა - რაგბის U20 მსოფლიო ჩემპიონატის ფინალი მიხეილ მესხზე

საქართველოში მიმდინარე რაგბის 20-წლამდე ჩემპიონატი დასასრულს უახლოვდება.

დღეს ორი ნახევარფინალური დაპირისპირება გაიმართა და ფინალისტები გამოვლინდნენ.

პირველი მატჩი 18:00-ზე ავჭალის რაგბის სტადიონზე გაიმართა, რომელშიც ერთმანეთს საფრანგეთის და ახალი ზელანდიის ასაკობრივი ნაკრებები შეხვდნენ. გამარჯვება ფრანგებმა მოიპოვეს(26:22) და ფინალში გავიდნენ.

მეორე მატჩიც ამავე სტადიონზე გაიმართა, რომელიც 20:30-ზე დაიწყო. ფინალისთვის ერთმანეთს სამხრეთ აფრიკა და ინგლისი ებრძოდნენ.

გამარჯვება სამხრეთ აფრიკელებს დარჩათ - 53:37, თუმცა უნდა აღინიშნოს, რომ 32-ე წუთზე ინგლისს კელი გაუძევეს.

ცნობისთვის, რაგბის 20-წლამდე მსოფლიო ჩემპიონატის ფინალი ივლისს მიხეილ მესხის სახელობის სტადიონზე გაიმართება. მატჩი 20:30-დან დაიწყება.

შეგახსენებთ, რომ საქართველოს 20-წლამდე ნაკრები მე-11 ადგილისთვის ირლანდიას დაუპირისპირდება.