სკალონი: “მიზნის მისაღწევად სისხლის თითოეულ წვეთს დავხარჯავთ“

მსოფლიო ჩემპიონატის ნახევარფინალში არგენტინა ინგლისს დაუპირისპირდება. მატჩის წინ, ალბისელესტეს მთავარმა მწვრთნელმა ლიონელ სკალონიმ The Guardian-თან ისაუბრა.

სკალონი:

„ძალიან რთული მეტოქე გველოდება. ინგლისი ძლიერი გუნდია, შესანიშნავი ფეხბურთელები ჰყავს და ფიზიკურადაც ძალიან ძლიერია. ისტორიული დაპირისპირება? ეს უბრალოდ ფეხბურთის მატჩია და მეტი არაფერი. წარსული ისტორიის ნაწილია, მაგრამ მოედანზე მხოლოდ ფეხბურთი იქნება.

რაც ამ გუნდმა უკვე გააკეთა, ისტორიულია. შესაძლოა, ყოველთვის ჩვენი საუკეთესო ფეხბურთი არ გვიჩვენებია, მაგრამ აქ ვართ და ფინალისთვის ვიბრძოლებთ. მსოფლიო ჩემპიონატის ამ ეტაპზე ყოფნა უდიდესი პატივია და ამ მიზნის მიღწევა მარტივი არასოდეს არის. ახლა ბედნიერები და მოტივირებულები ვართ.

ბოლომდე ვიბრძოლებთ და მიზნის მისაღწევად სისხლის თითოეულ წვეთს დავხარჯავთ. ჩვენ პროფესიონალები ვართ და ამ შეხვედრას ისე მივუდგებით, როგორც ყველა დანარჩენს — ბოლო წამამდე ვიბრძოლებთ და მოედანზე ყველაფერს დავტოვებთ.“

შეგახსენებთ, რომ არგენტინისა და ინგლისის ნახევარფინალური დაპირისპირება 15 ივლისით თარიღდება და თბილისის დროით 23:00-დან დაიწყება.