მექსიკამ სამხ. კორეას მოუგო და პლეი-ოფის საგზური გაინაღდა
მსოფლიო ჩემპიონატზე, A ჯგუფში მეორე ტურის შეხვედრები გაიმართა. ჯგუფის მეორე მატჩში მასპინძელი მექსიკა გუადალახარას სტადიონზე სამხრეთ კორეას დაუპირისპირდა და დაძაბულ ბრძოლაში 1:0 დაამარცხა, რითაც პლეი-ოფში გასვლა გაინაღდა.
ერთადერთი გოლი მეორე ტაიმში, 50-ე წუთზე ლუის რომომ გაიტანა. შესაბამისად, მიმდინარე მუნდიალზე მექსიკა გახდა პირველი გუნდი, რომელმაც 1/16 ფინალის საგზური მოიპოვა.
ამ გამარჯვებით, პლეი-ოფის საგზურთან ერთად მექსიკელებმა უდიდესი ალბათობით, პირველი ადგილიც გაინაღდეს. მასპინძლებს მეორეადგილოსან კორეასთან ბურთების ბალანსი + 3 აქვთ და ამ სხვაობის აღმოფხვრა რთული წარმოსადგენია. ამასთან, მექსიკელებს ფრეც აძლეთ ხელს.
მესამე ტურში მექსიკა ჩეხეთს დაუპირისპირდება, სამხ. კორეა კი სამხ. აფრიკის ნაკრებს შეხვდება. ორივე მატჩი 25 ივნისს გაიმართება.
