არც სასტარტო, არც კაპიტნობა და 10 ნომერი - ნეიმარმა ანჩელოტის პირობები მიიღო
ბრაზილიის ნაკრების მთავარმა მწვრთნელმა, კარლო ანჩელოტიმ, ნეიმართან მსოფლიო ჩემპიონატზე მისი გამოძახების საკითხი განიხილა.
Globo Esporte-ს ინფორმაციით, გასულ ხუთშაბათს შედგა ვიდეოზარი, რომლის დროსაც ანჩელოტიმ 34 წლის ნეიმარს გუნდში დაბრუნების პირობები წაუყენა.
ვრცელდება ინფორმაცია, რომ ნეიმარი ძირითადი შემადგენლობის მოთამაშე არ იქნება, და მით უმეტეს - არც კაპიტანი. ამის შესახებ მას პირადად ანჩელოტიმ უთხრა. ასევე, იგი ქცევის სხვა წესებს უნდა მიჰყვეს, რომლებიც განსხვავდება იმ წესებისგან, რაც ადრე მისთვის გუნდში მოქმედებდა. მას ისევე მოექცევიან, როგორც ნაკრებში გამოძახებულ ნებისმიერ სხვა ფეხბურთელს.
გარდა ამისა, თავისი შეცვლილი სტატუსის ხაზგასასმელად, ნეიმარმა 10-ნომრიანი მაისური მის ამჟამინდელ მფლობელს, ვინისიუს ჟუნიორს უნდა დაუტოვოს.
დასტურდება, რომ ნეიმარმა ყველა დასახელებული პირობა მიიღო და შესაბამის ცვლილებებს უნდა დაემორჩილოს.
