შენგელიას 8 ქულა - ბარსელონამ ბურგოსს მარტივად მოუგო

ესპანეთის საკალათბურთო ჩემპიონატის მორიგ ტურში ბარსელონამ სან პაბლო ბურგოსს უმასპინძლა და მარტივად 91:76 დაამარცხა.

როგორც ყოველთვის, თორნიკე შენგელია ძირითად შემადგენლობაში მოგვევლინა. საქართველოს ნაკრების კაპიტანმა პარკეტზე 24 წუთი და 17 წამი დაყო.

ამ პერიოდის განმავლობაში, შენგელიამ 8 ქულას, 8 მოხსნას და 5 შედეგიან გადაცემას მოუყარა თავი.

მატჩის მიმდინარეობისას შენგელიამ ერთხელ სცადა 3-ქულიანის ჩაგდებადა ააცილა. რვა 2-ქულიანიდან 4 გამოიყენა, ხოლო ერთი საჯარიმო ტყორცნა არაზუსტად შეასრულა.

8 მოხსნიდან 5 საკუთარ ფარზე შეასრულა, 3 კი მეტოქის. აღსანიშნავია, რომ შენგელიას პერსონალური ფოლი არ მიუღია.

ცნობისთვის, ამ გამარჯვების შემდეგ, ბარსელონას სატურნირო ცხრილში 42 ქულა დაუგროვდა და ლიდერ რეალს 10 ქულით ჩამორჩება.