ჰარი კეინის გარეშე | კვარაცხელია უეფას კვირის სიმბოლურ ნაკრებში მოხვდა
ჩემპიონთა ლიგის ნახევარფინალური ეტაპის პირველი მატჩები დასრულდა. „პარი სენ-ჟერმენმა“ „ბაიერნი“ 5:4 დაამარცხა, ხოლო „ატლეტიკოსა“ და „არსენალის“ შეხვედრაში ფრე ვიხილეთ — 1:1.
ნახევარფინალური თამაშების შემდეგ უეფამ სიმბოლური ნაკრები შეადგინა. ქართველი ფეხბურთელი, ხვიჩა კვარაცხელია კვირის საუკეთესო გუნდში მოხვდა. მის გარდა, „პარი სენ-ჟერმენიდან“ ჟოაუ ნევეში, ვიტინია და უსმან დემბელე გამოარჩიეს.
ტოპ 11-ში ვერ მოხვდა ჰარი კეინი, რომელმაც პსჟ-ის წინააღმდე გოლი და საგოლე გადაცემა მიითვალა. ასევე, საუკეთესოთა შორის არაა დეკლან რაისი, რამაც სოციალურ ქსელში ბევრი გულშემატკივრის აღშფოთება გამოიწვია.
უეფას სიმბოლური ნაკრები ასე გამოიყურება: დავიდ რაია, გაბრიელ მაგალაესი, მარკ პუბილი, დაიო უპამეკანო, ჟოაუ ნევეში, ვიტინია, მაიკლ ოლისე, ხვიჩა კვარაცხელია, ანტუან გრიზმანი, ლუის დიასი, უსმან დემბელე.
Introducing the Team of the Week ????@cryptocom | #UCLTOTW pic.twitter.com/IQmME9Oilj
— UEFA Champions League (@ChampionsLeague) April 30, 2026
