ლოჩოშვილი მეორე ბუნდესლიგის ტურის სიმბოლურ გუნდში მოხვდა
საქართველოს ნაკრების ცენტრალური მცველი ლუკა ლოჩოშვილი გერმანიის მეორე ბუნდესლიგის ტურის სიმბოლურ ნაკრებში შეიყვანეს. „ნიურნბერგის“ უკანახაზელი საუკეთესო თერთმეტეულში ანალიტიკურმა პორტალმა Sofascore-მა გამოარჩია.
ლოჩოშვილმა 27-ე ტურში შეტევაში სუპერპროდუქტიული თამაშითაც გამოიჩინა თავი და „კაიზერსლაუტერნის“ საკუთარ სტადიონზე 3:0 დამარცხებაში ბავარიულ კლუბს ორი ბურთით დაეხმარა.
Sofascore-მა ლუკას თამაში 10-დან 9,0 ქულით შეაფასა, რის შემდეგაც კვირის სიმბოლურ გუნდში შეიყვანა.
ბოლოს გეტყვით, რომ 36 ქულით „ნიურნბერგი“ გერმანიის მეორე ბუნდესლიგის სატურნირო ცხრილში მეცხრე ადგილზეა. მომდევნო შეხვედრას ბავარიელები სანაკრებო პაუზის შემდეგ, 5 აპრილს, სტუმრად „ბრაუნშვაიგთან“ გამართავენ.
