ბითაძის 6 ქულა და 7 მოხსნა | ორლანდო ინდიანასთან დამარცხდა

გოგა ბითაძის „ორლანდო მეჯიქმა“ ზედიზედ მეხუთე შეხვედრა წააგო. გამთენიისას, ფლორიდელები საშინაო არენაზე აღმოსავლეთ კონფერენციის აუტსაიდერს, „ინდიანა პეისერსს“ დაუპირისპირდნენ და 126:128 დამარცხდნენ.

ბითაძემ სათადარიგოთა სკამზე დაიწყო და 19 წუთი და 54 წამი ითამაშა. ამ დროის განმავლობაში მისი მონაგარი 6 ქულა, 7 მოხსნა და 4 შედეგიანი გადაცემა იყო. ქართველმა ცენტრმა 3-დან 1 ორქულიანი ჩააგდო და 6-დან 4 საჯარიმო სროლა გამოიყენა.

„ორლანდოს“ მხრიდან 39 ქულით პაოლო ბანკერო გამოირჩა. ტრისტან და სილვამ 21 ქულა მიითვალა, ხოლო დესმონდ ბეინმა და უენდელ კარტერ ჯუნიორმა 17-17 ქულა დააგროვეს. „ინდიანას“ რიგებში ბრწყინვალე იყო პასკალ სიაკამი — 37 ქულა, 6 მოხსნა. ენტრიუ ნიმბჰარდმა 13 ქულა, 14 პასი და 7 მოხსნა მიითვალა.

„ორლანდო“ აღმოსავლეთ კონფერენციის მერვე ადგილს იკავებს და მის ბალანსზე 38 გამარჯვება და 33 მარცხია. „მეჯიქი“ მომდევნო შეხვედრას 25 მარტს, „კლივლენდ კავალიერსის“ წინააღმდეგ გამართავს.