პირველი ქულებიც აიღო | მათე ხატიაშვილის დებიუტი ბასკონიაში
მათე ხატიაშვილმა „ბასკონიას“ ძირითად გუნდში სადებიუტო შეხვედრა ჩაატარა. ესპანეთის საკალათბურთო ჩემპიონატის, ლიგა ენდესას 23-ე ტურში, „ბასკონია“ საკუთარ კედლებში „ბასკეტ ჟირონას“ დაუპირისპირდა და მეტოქე 94:81 დაამარცხა.
ხატიაშვილმა პარკეტზე 1 წუთი და 48 წამი გაატარა და სადებიუტო ქულებიც აიღო. მათემ მეტოქეს ჯარიმა მიაღებინა და 2-დან 2 საჯარიმო სროლა გამოიყენა.
Mate Khatiashvili debuta en ACB ????
— Kosner Baskonia (@Baskonia) March 22, 2026
Primeros puntos… y primera victoria en el Buesa ????️
Menudo estreno???? pic.twitter.com/OVhhXOfDmA
„ახალგაზრდა „ვეტერანია“ და საკალათბურთო ინტელექტით გამოირჩევა. მათე და ჯუომ მეიკერ ბოლი ახალგაზრდულ ევროლიგაზე კარგად გამოიყურებოდნენ, მაგრამ იქ მხოლოდ ერთი-ერთზე თამაშობენ და ტაქტიკას ყურადღება არ ექცევა. სამწუხაროდ, ეს ფაქტორი მათთვის პრობლემა იქნება, მაგრამ ვარჯიშის დახმარებით სათანადო დონეს მიაღწევენ. ყველაფერი მათ ხელშია და მათზეა დამოკიდებული“, — აღნიშნა „ბასკონიას“ მთავარმა მწვრთნელმა, პაოლო გალბიატიმ.
„ბასკონია“ ესპანეთის ჩემპიონატში 15 მოგებითა და 7 წაგებით სატურნირო ცხრილში მეხუთე ადგილზეა. ხატიაშვილის გუნდი მომდევნო მატჩს 25 მარტს ევროლიგაზე სერბული „ცრვენა ზვეზდას“ წინააღმდეგ გამართავს.
კომენტარები
იყავით პირველი, ვინც დაწერს კომენტარს