ეს სახალისო ბრძოლა იქნებოდა | ჰოლოუეის მაკგრეგორთან რევანში სურს

მაქს ჰოლოუეი კონორ მაკგრეგორთან რევანშის იდეით კვლავ დაინტერესებულია. ამერიკელმა მებრძოლმა ღიად განაცხადა, რომ ირლანდიელთან „ძველი ანგარიშების გასწორება“ მისთვის ერთ-ერთი პრიორიტეტული და ამავდროულად სახალისო გამოწვევაა. ჰოლოუეი აღნიშნავს, რომ კონორმა მას ერთხელ სძლია და რადგან მაკგრეგორი დაბრუნებას გეგმავს, მასთან რევანში ნებისმიერ წონით კატეგორიაში ძალიან საინტერესო ბრძოლა იქნებოდა.

მაქსმა ამ თემაზე თავის იუთუბ არხზე ისაუბრა.

„მსუბუქი წონის სათავე ძალიან გადატვირთულად გამოიყურება, ასე რომ, ვნახოთ რა მოხდება. არ ვიცი, ვისი გამოგზავნა სურთ ჩემს წინააღმდეგ, მაგრამ, როგორც უკვე ვთქვი, ბრძოლამდეც ვსაუბრობდი ამაზე... კონორს ჩემზე ერთი გამარჯვება აქვს. ის დაბრუნებაზე საუბრობს. მე კი წაგებიდან მოვდივარ. ვფიქრობ, საკმაოდ სახალისო იქნებოდა მასთან დასაპირისპირებლად უკან დაბრუნება. ვნახოთ, რა მოხდება.

ვიცი, ბევრი ადამიანი ღელავს წონაზე, მაგრამ თუ მას არ უნდა წონის დაკლება, მაშინ არც მე მინდა წონის დაკლება. სიმართლე გითხრათ, შეგვიძლია ეს ნებისმიერ წონაში გავაკეთოთ. საქმე უბრალოდ რევანშის აღებას ეხება, ხომ გესმით? ასე რომ, საბოლოო ჯამში, ეს სახალისო ბრძოლა იქნება.

მაგრამ ვნახოთ რა მოხდება. ვნახოთ, UFC რა გზით წავა. ეს არის ყველაფერი, რისი გაკეთებაც შეგვიძლია. როგორც ვთქვი, ბევრი რამ მაქვს განსახილველი ჩემს გუნდთან, ოჯახის წევრებთან და ასევე ჩემს ექიმებთან. ასე რომ, ახლა ამ ყველაფერს ვარკვევთ. მაგრამ, ხომ იცი, მზად ვარ. თუ საშუალო წონა ახლა ცოტა გადატვირთულია და არ ვიცით ვინ დავაყენოთ... ვიცი, რომ კონორი სულ საუბრობს დაბრუნებაზე. ეს სახალისო ბრძოლა იქნებოდა. ეგ ბრძოლა ნამდვილად დიდ ინტერესს იწვევს ჩემში და... დაველოდოთ და ვნახოთ.“

შეგახსენებთ, 2013 წელს UFC-ში კონორ მაკგრეგორმა მაქს ჰოლოუეი მსაჯთა ერთსულოვანი გადაწყვეტილებით დაამარცხა.