შინ ჩრდ ირლანდიით ვიწყებთ - ერთა ლიგის კალენდარი ცნობილია
12 თებერვალს, უეფას ერთა ლიგის 2026/2027 წლის სეზონის გათამაშების წილისყრა გაიმართა და საქართველოს ნაკრების მეტოქეების ვინაობა გაირკვა. ვილი სანიოლის გუნდი მეორე ჯგუფში მოხვდა: უნგრეთი, უკრაინა, საქართველო, ჩრდილოეთ ირლანდია.
დღეს გაირკვა კალენდარი, რომელიც საქართველოს ნაკრებისთვის საკმაოდ ნორმალურად გამოიყურება.
25 სექტემბერი: საქართველო - ჩრდ ირლანდია (ცარიელი ტრიბუნების წინაშე)
28 სექტემბერი: საქართველო - უკრაინა
2 ოქტომბერი: უნგრეთი - საქართველო
5 ოქტომბერი: ჩრდ ირლანდია - საქართველო
11 ნოემბერი: საქართველო - უნგრეთი
17 ნოემბერი: უკრაინა - საქართველო
როგორც ხედავთ, ამჯერად მატჩები სექტემბერი, ოქტომბერი, ნოემბერში არ გაიმართება. ანუ 3 სანაკრებო პაუზა აღარ იქნება. იქნება მხოლოდ 2. სექტემბერ-ოქტომბერი ერთიანდება და ამ მონაკვეთში ნაკრებები 4 შეხვედრას გამართავენ. ბოლო ორი მატჩი კი ნოემბრის პაუზაზე იქნება.
ბოლოს შეგახსენებთ, რომ ერთა ლიგის გასულ გათამაშებაში ჩვენი მეტოქეები ჩეხეთი, უკრაინა და ალბანეთი იყვნენ. საქართველომ 7 ქულით მესამე ადგილი დაიკავა და პლეიაუტში სომხეთს დაუპირისპირდა, რომლის დამარცხებითაც B ლიგაში ადგილი შეინარჩუნა.
