Goal.Com-ის ოქროს ბურთის რეიტინგი - მესი ათეულშია

ავტორიტეტულმა გამოცემა Goal.Com-მა 2026 წლის ოქროს ბურთის ნომინანტების რეიტინგი განაახლა.

საინტერესო ის გახლავთ, რომ ათეულში ლიონელ მესი გვხვდება, რომელმაც მიმდინარე სეზონში MLS მოიგო.

ათეული ასე გამოიყურება:

1 - ჰარი კეინი
2 - ერლინგ ჰოლანდი
3 - კილიან მბაპე
4 - ლამინ იამალი
5 - დეკლან რაისი
6 - ვიტინია
7 - მაიკლ ოლისე
8 - ლუის დიასი
9 - ლიონელ მესი
10 - აშრაფ ჰაკიმი

არგენტინელი სუპერვარსკვლავის კანდიდატებს შორის მოხვედრის შესახებ, Goal-მა ასეთი რამ დაწერა:

„მესიმ MLS მოიგო და მისი ნაკრები მუნდიალის ერთ-ერთი მთავარი ფავორიტია. აქედან გამომდინარე, რეალური შანსია იმის, რომ 8 ოქროს ბურთის მფლობელმა კიდევ ერთი ოქროს ბურთი მოიგოს.“