„ხაბიბზე, არმანსა და ისლამზე უმიზეზოდ ლაპარაკობს“ | ალი აბდელაზიზმა ილიას უპასუხა
არმან ცარუკიანის შემდეგ ილია თოფურიას სიტყვებს ალი აბდელაზიზი გამოეხმაურა. აბდელაზიზი ხაბიბ ნურმაგომედოვის, ჯასტინ გეიჯის, ისლამ მახაჩევისა და სხვა მებრძოლების მენეჯერია და X-ის საკუთარ გვერდზე „ელ მატადორს“ მიმართა.
„ცოტათი დაბნეული ვარ. ამ ადამიანის მიმართ ყველა პატივისცემას იჩენს და სივრცეს აძლევს, რომ თავისი ოჯახური პრობლემები მოაგვაროს - და ასეც უნდა იყოს. თუმცა, როდესაც გამოდის და ხაბიბზე, ისლამზე და არმანზე უმიზეზოდ იწყებს ლაპარაკს, თანაც მაშინ, როდესაც არც კი იბრძვის, აღარ ვარ დარწმუნებული, რომ ხალხმა მას უნდა აპატიოს.“
I'm a little bit confused. Everybody giving this guy space and respect to resolve his family problems. And should be. But when he come out talking about Habib, Islam, Arman, for no reason. And he's not even fighting. I'm not sure if people should give him a pass anymore.
— Ali Abdelaziz (@AliAbdelaziz00) December 22, 2025
ცნობისთვის, ყველაფერი მას შემდეგ დაიწყო, რაც ილიამ eldoberdanMMA-ს ინტერვიუ მისცა და განაცხადა, რომ მახაჩევს ხაბიბის თვალწინ დააფინიშებს. თოფურიამ ცარუკიანიც ახსენა და აღნიშნა, რომ არმანს ისლამთან ბრძოლის შეეშინდა.
შეგახსენებთ, რომ აბდელაზიზს „ელ მატადორზე“ აქამდეც უსაუბრია და როდესაც ილია UFC-ის Pound-for-pound რეიტინგის პირველი ნომერი გახდა, აღნიშნა, რომ თოფურია მახაჩევის გადასწრებას არ იმსახურებდა.
