„მნიშვნელოვანი გოლი იყო, 3 ქულა გვჭირდებოდა“ - კიტეიშვილი ჰარტბერგთან გამარჯვების გოლზე

ავსტრიის ბუნდესლიგის მორიგ ტურში, ოთარ კიტეიშვილის „შტურმი“ სტუმრად „ჰარტერბერგს“ დაუპირისპირდა და მინიმალური სხვაობით, 1:0 გაიმარჯვა. გრაცულ კლუბს გმირად კვლავ ქართველი ნახევარმცველი მოევლინა, რომელიც მატჩში სათადარიგოთა სკამიდან 51-ე წუთზე ჩაერთო და 81-ე წუთზე გატანილი თერთმეტმეტრიანით თავის გუნდს გამარჯვება მოუტანა.

შეხვედრის დასრულების შემდეგ ოთარ კიტეიშვილმა ავსტრიულ მედიასთან განვლილი მატჩი შეაფასა.

რა თქვა კიტეიშვილმა:

„ეს გოლი ძალიან მნიშვნელოვანი იყო ბოლო წუთებზე გამარჯვების უზრუნველსაყოფად. ეს სამი ქულა ნამდვილად გვჭირდებოდა. ეს ენერგია, ეს ემოციები და ეს განწყობა ზამთრის შესვენებამდე დარჩენილ მომდევნო ოთხ თამაშში უნდა გამოვიყენოთ.“

„პირველ ნახევარში სათანადოდ სახიფათოები არ ვიყავით, ეს უნდა გავაუმჯობესოთ. ჩვენ არ ვნებდებით, მოტივირებულები, კონცენტრირებულები ვართ და გვინდა, რომ გულშემატკივრები გავახაროთ. ეს ემოციები და გამარჯვების მათთან ერთად აღნიშვნა ერთად უნდა გამოვიყენოთ.“

„ყველა გამარჯვება მნიშვნელოვანია, მაგრამ ამჯერად ცოტა განსხვავებული იყო, რადგან ზედიზედ 5 თამაში არ გვქონდა მოგებული. დღეს აუცილებლად უნდა მოგვეგო.“

ოთარი უკვე ზედიზედ სამი მატჩია მოედანს უგოლოდ არ ტოვებს და „ჰარტბერგთან“ თამაშამდე მან თავის გამოჩენა „ლასკთან“ (1:3) და „პანათინაიკოსთან“ (1:2) შეხვედრებში მოახერხა. მთლიანობაში კი, ყველა ტურნირზე გამართულ 19 შეხვედრაში კიტეიშვილის ანგარიშზე 11 გოლი და 3 საგოლე პასია.