„მერაბზეა დამოკიდებული - პანტოჟა ზედა წონაში ასვლაზე

რამდენიმე თვის წინ UFC-ის უმსუბუქესი წონის საჩემპიონო შეხვედრაში კაი კარა-ფრანსის დამარცხებისა და ტიტულის კიდევ ერთხელ დაცვის მიუხედავად, P4P-ის რეიტინგში ალეშანდრე პანტოჟას პოზიციები მნიშვნელოვნად არ გაუმჯობესებულა, რის გამოც მან საჯაროდ გამოთქვა პრეტენზიები და აღნიშნა, რომ მის წონას სათანადოდ არ აფასებენ. ყოველივე აქედან გამომდინარე, ბრაზილიელს ჰკითხეს ხომ არ აპირებს უმსუბუქესიდან სუპერმსუბუქ დივიზიონში გადასვლას და მისგან ასეთი პასუხი მიიღეს:

„4,5 კილოგრამის მომატება ჩემთვის გაცილებით დიდ სირთულეს წარმოადგენს, ვიდრე სხვა მებრძოლებისთვის. სიტყვაზე თუ შონ ომალი სუპერმსუბუქში საჩემპიონო ქამარს დაიბრუნებს, ვიტყოდი რომ მზად ვარ ამ წონაში ავიდე და ვიჩხუბო, მაგრამ მერაბ დვალიშვილთან ყველაფერი სხვანაირად არის და თუ ქართველი „მანქანა“ ქვემსუბუქში ავა, მხოლოდ ამ შემთხვევაში ვიფიქრებ სუპერმსუბუქში ასვლაზე“.

შეგახსენებთ, რომ ალეშანდრე პანტოჟა UFC-ში უკანასკნელად 2020 წლის 19 ივლისს ასკარ ასკაროვთან დამარცხდა და მას შემდეგ ზედიზედ რვა ბრძოლა მოიგო. ბრაზილიელმა სამჯერ ბრენდონ როივალი, თითოჯერ კი მანელ კაპე, ალექს პერესი, სტივ ერსეგი, კაი ასაკურა და კაია კარა-ფრანსი დაამარცხა.