„ჩვენ ბევრი რამ გვაერთიანებს“ - ჰოლოუეის ოლივეირასთან ჩხუბი სურს

UFC-ის მსუბუქი წონითი დივიზიონის მესამე ნომერმა და BMF-ის ქამრის მფლობელმა, მაქს ჰოლოუეიმ ჩარლზ ოლივეირასთან პოტენციურ ჩხუბზე ისაუბრა და აღნიშნა, რომ თეთრ სახლში დაგეგმილ ღონისძიებაში მონაწილეობა სურს.

„თეთრ სახლში ჩხუბი? ვნახოთ, როგორ განვითარდება მოვლენები - დაბრუნდება თუ არა კონორი, იჩხუბებს თუ არა ამ ქარდზე ჯონ ჯონსი. ზოგადად, ამ ღონისძიებაში მონაწილეობა მაინტერესებს, თანაც, კაცებს შორის ამერიკელი ჩემპიონები არ გვყავს, რაც ჩემს შანსებს ზრდის.

იმედია, მარტში ან აპრილში ვიჩხუბებ, და შემდეგ ვნახოთ, შევძლებ თუ არა ივნისში დაბრუნებას. პორიესთან ივნისში ვიჩხუბე და თეთრი სახლის ღონისძიებამდე უქმედ ყოფნა არ მინდა.

ოლივეირას გამოწვევა? ჩვენ ბევრი რამ გვაქვს საერთო. რეიტინგის ზედა ნაწილში ვართ და დარწმუნებული ვარ, რომ მას სურს, გადაშალოს ის ფურცელი, რომელიც თოფურიასთან მარცხის შემდეგ დაიწერა. ეს ჩემი მიზანიცაა. ოლივეირას სურს, სატიტულო ჩხუბი დაიმსახუროს და ამისთვის ჩემზე უკეთეს მეტოქეს ვერ ნახავს, მით უმეტეს, რომ საუბარია BMF-ის ქამარზე“.

ცნობისთვის, ილია თოფურიასთან მარცხის შემდეგ ჰოლოუეიმ მიმდინარე წლის ივლისში დასტინ პორიე დაამარცხა და BMF-ის ქამარი დაიცვა. რაც შეეხება ოლივეირას, მან ოქტომბერში მატეუშ გამროტს საბმიშენით მოუგო.