„მუდამ ქართველად დავრჩები“ - დვალიშვილი თეთრი სახლის ღონისძიებაზე
ივნისამდე ჯერ ძალიან დიდი დროა დარჩენილი, თუმცა მას შემდეგ, როდესაც UFC-ის აღმასრულებელმა დირექტორმა დენა უაითმა ამერიკის შეერთებული შტატების პრეზიდენტთან დონალდ ტრამპთან შეთანხმების შემდეგ თეთრი სახლის მასშტაბური ღონისძიება დააანონსა, ყველა გამორჩეულ მებრძოლს ამ ქარდზე ჩხუნის სურვილი გაუჩნდა. ბუნებრივია, მათ რიგებს განეკუთვნება და სრულიად საფუძვლიანი პრეტენზიები აქვს მერაბ დვალიშვილს, რომელმაც ამ თემასთან დაკავშირებით ასეთი კომენტარი გააკეთა:
„თეთრი სახლის ღონისძიებაში მონაწილეობის მიღება? ეს ჩემთვის დიდი პატივი იქნება და თუ შემომთავზებენ, ორგანიზატორების მიმართ მადლიერების გარდა სხვა შეგრძნება არ მექნება. თუმცა, მიუხედავად იმისა, რომ ამერიკის შეერთებული შტატების მოქალაქე ვარ, მუდამ ქართველად დავრჩები. ვიცი, ბევრ ამერიკელს სურს ვაშინგტონში ჩხუბი და ვფიქრობ ისინი ამას ნამდვილად იმსახურებენ, განსაკუთრებით კი ჯონ ჯონსი“.
შეგახსენებთ, რომ მერაბ დვალიშვილი სუპერმსუბუქი წონითი დივიზიონის საჩემპიონო ჩხუბისთვის ემზადება, რომელიც 6 დეკემბერს გაიმართება და მისი მეტოქე რუსი პიოტრ იანი იქნება. წარმატების შემთხვევაში მერაბი ტიტულს ერთი წლის განმავლობაში ოთხჯერ დაიცავს და UFC-ის ყველა დროის რეკორდსმენი გახდება.
