ინფანტინო 2026 წლის მუნდიალზე: ეს იქნება ისტორიაში უდიდესი მსოფლიო ჩემპიონატი

ფიფა-ს პრეზიდენტმ,  ჯანი ინფანტინომ მუნდიალის პლეიოფის წილისყრის შემდეგ კომენტარი გააკეთა.

მისი თქმით, 2026 წლის მსოფლიო ჩემპიონატი უდიდესი იქნება.

„ეს იქნება ისტორიაში უდიდესი მსოფლიო ჩემპიონატი. ეს არის 104 სუპერბოული ერთ თვეში. სტადიონებზე 7 მილიონი მაყურებელი იქნება და 6 მილიარდი ადამიანი უყურებს სახლიდან“, – განაცხადა ინფანტინომ.

დღეს შვეიცარიის ქალაქ ციურიხში შესარჩევი ეტაპის პლეიოფის წილისყრა გაიმართა. 42-მა ქვეყანამ მუნდიალზე თამაში უკვე გაინაღდა, კიდევ 6 საგზური კი 2026 წლის გაზაფხულზე გათამაშდება.

შეგახსენებთ, რომ მსოფლიო ჩემპიონატი აშშ-ში, კანადასა და მექსიკაში ჩატარდება. ეს ისტორიაში პირველი მსოფლიო ჩემპიონატი იქნება, რომელშიც მონაწილეობას 48 გუნდი მიიღებს.