მამუკელაშვილის ოფიციალური დებიუტი | ტორონტომ ატლანტა დაამარცხა

დამაჯერებელი გამარჯვებით დაიწყო NBA-ის რეგულარული სეზონი სანდრო მამუკელაშვილის „ტორონტო რეპტორსმა“ - კანადელებმა სტუმრად „ატლანტა ჰოუქსს“ მოუგეს 138:118.

ქართველმა კალათბურთელმა პარკეტზე 17:09 წუთი გაატარა და 7 ქულას, 4 მოხსნას (ოთხივე დაცვაში), 3 შედეგიან გადაცემას და 1 დაფარებას დასჯერდა. სანდრომ ორქულიანები 50%-იანი სიზუსტით ისროლა (6-დან 3) და ერთადერთი სამქულიანი ჩააგდო.

მამუკელაშვილის გამორჩეული მომენტები

 

მატჩის ყველაზე შედეგიანი მოთამაშე „ტორონტოს“ ფორვარდი, არ ჯეი ბარეტი გახდა - 25 ქულა, 4 მოხსნა, 4 პასი, 2 ჩაჭრა. სკოტ ბარნსმა 22 ქულას, 6 მოხსნა, 9 პასი, 1 ჩაჭრა და 2 დაფარება მიუმატა. რაც შეეხება „ატლანტას“, ჯეილენ ჯონსონმა და ტრეი იანგმა 22-22 ქულა ჩააგდეს.

მომდევნო მატჩს მამუკელაშვილის გუნდი 25 ოქტომბერს გამართავს. „ტორონტო“ სანდროს ყოფილ გუნდს, „მილუოკი ბაქსს“ უმასპინძლებს.