შერმადინის 9 ქულა - ტენერიფემ ჩემპიონთა ლიგა გამარჯვებით დაიწყო

საკალათბურთო ჩემპიონთა ლიგის პირველ ტურში ლაგუნა ტენერიფე ტრაპანის ესტუმრა და 84:78 დაამარცხა.

როგორც ყოველთვის, გიორგი შერმადინი ძირითად შემადგენლობაში მოგვევლინა, რომელმაც პარკეტზე 22 წუთი და 42 წამი გაატარა.

ამ პერიოდის განმავლობაში შერმადინმა 9 ქულას და 3 მოხსნას მოუყარა თავი. მატჩის მიმდინარეობისას, ვეტერანმა ქართველმა 4-ჯერ სცადა 2-ქულიანის ჩაგდება და 2 გამოუვიდა. დარჩენილი 5 ქულა საჯარიმო ტყორცნებით დააგროვა(5/6).

შერმადინმა სამი მოხსნიდან ორი საკუთარ ფარზე შეასრულა, ხოლო ერთი მეტოქის. აღსანიშნავია, რომ არცერთი პერსონალური ფოლი არ მიიღო.

ცნობისთვის, ტენერიფეს ჩემპიონთა ლიგის ჯგუფში ტრაპანის გარდა ტოფასი და ბნეი ჰერჟლია ჰყავს. შემდეგ ტურში გიორგის გუნდი ჰერჟლიას დაუპირისპირდება.

???? Triunfo de mérito en la caldera granate (78-84)

???? La Laguna Tenerife impone su fortaleza coral ante el Trapani y arranca con buen pie la BCL 25/26

???????? #VamosCanarias pic.twitter.com/8ITbEpspWe

— La Laguna Tenerife (@CB1939Canarias) October 8, 2025