„ნამდვილი ველურია“ - რეი მისტერიომ თოფურია გამოარჩია
WWE-ის ლეგენდარულმა მებრძოლმა, ოსკარ გუტიერეს რუბიომ, იგივე „რეი მისტერიომ“ UFC-ის ფავორიტი მებრძოლი დაასახელა და ილია თოფურიაც გამოარჩია.
რას ამბობს „რეი მისტერიო“:
„UFC-ში ბევრი მერბძოლი მომწონს, მაგრამ ბოლო პერიოდში დიეგო ლოპესი ერთ-ერთია იმათგან, ვისაც აქტიურად ვაკვირდები, ძალიან კარგი ბიჭია... თოფურია? ვფიქრობ, ის ველურია. მოუთმენლად ველი, როდის იქნება მისი მომდევნო ბრძოლა და ვინ იქნება მისი მეტოქე.“
Rey Mysterio’s Favorite UFC Fighters @Diegolopesmma @Topuriailia & Tag Team Partner with @MikeChandlerMMA ???? @reymysterio #WWE pic.twitter.com/iNHwOnqxPq
— Helen Yee (@HelenYeeSports) September 14, 2025
შეგახსენებთ, რომ თოფურიამ ბოლოს UFC 317-ზე იჩხუბა. „ელ მატადორი“ ჩარლზ ოლივეირას დაუპირისპირდა და ბრაზილიელი მებრძოლი პირველივე რაუნდში, ნოკაუტით დაამარცხა. „დუ ბრონქსთან“ გამარჯვების შემდეგ, ილია UFC-ის Pound for Pound რეიტინგის პირველი ნომერი გახდა.
რაც შეეხება თოფურიას მომდევნო მოწინააღმდეგეს, უცხოურ პრესაში ჯასტინ გეიჯის, პედი პიმბლეტისა და არმან ცარუკიანის ვარიანტებს აჟღერებენ. დღეს, არმანმა განცხადება გაავრცელა და აღნიშნა, რომ ილიამ მასთან უნდა იჩხუბოს ან ქამარი ვაკანტური გახადოს.
