დიდხანს ეძება და ვერ იპოვა | იამალმა თურქეთში პასპორტი დაკარგა
მსოფლიო ჩემპიონატის საკვალიფიკაციო ეტაპის მეორე ტურში ესპანეთი თურქეთს დაუპირისპირდა. „ფურია როხამ“ სტუმრად ითამაშა და მეტოქეს შანსი არ დაუტოვა. ლუის დე ლა ფუენტეს გუნდმა თურქეთი 6:0 გაანადგურა და 6 ქულით E ჯგუფის პირველ ადგილს იკავებს.
მატჩის შემდეგ თურქულ პრესაში საინტერესო ინფორმაცია გავრცელდა. Beyaz Futbol-ის ცნობით, ესპანეთის ეროვნული ნაკრების სუპერვარსკვლავმა, ლამინ იამალმა პასპორტი დაკარგა და მას დიდი ხნის განმავლობაში ეძებდა. სოციალურ ქსელებში ვიდეოც გავრცელდა, რომელშიც ჩანს, რომ „ფურია როხას“ ავტობუსი დაყოვნდა, რადგან იამალი პასპორტს ეძებდა.
????ÖZEL GÖRÜNTÜ| Lamine Yamal pasaportunu kaybetti.
— Emir (@emirkiliccetinn) September 7, 2025
Maçtan sonra uzun süre pasaportunu arayan, soyunma odasına geri dönüp pasaportu için oraya da bakan Lamine Yamal, pasaportunu bulamadan stadyumdan ayrıldı. @beyazfutbol pic.twitter.com/bDFmVfwjvn
Beyaz Futbol-ის ინფორმაციით, იამალი გასახდელშიც დაბრუნდა, მაგრამ პასპორტი ვერ იპოვა. Radio Marca-ს ცნობით, აღნიშნული პრობლემის მიუხედავად, ლამინი ესპანეთში ჩავა და „ბარსელონას“ დროულად შეუერთდება.
შეგახსენებთ, რომ „ბლაუგრანას“ მომდევნო შეხვედრა 14 სექტემბერს ელის. თბილისის დროით, 23:00-ზე ჰანსი ფლიკის გუნდი „ვალენსიას“ დაუპირისპირდება და არის ვარაუდი, რომ „კამპ ნოუზე“ ითამაშებს.
