მაგარი პასი, გაუქმებული გოლი და წითელი ბარათი | გოჩოლეიშვილის ჰამბურგის მარცხი საკუთარ კედლებში

გერმანიის ბუნდესლიგის მეორე ტურში გიორგი გოჩოლეიშვილის „ჰამბურგი“ საკუთარ კედლებში „სანქტ-პაულს“ დაუპირიპირდა. „როტოზენი“ მიმდინარე სეზონში პირველად დამარცხდა და 0:2 წააგო.

ქართველმა ფეხბურთელმა ძირითად შემადგენლობაში დაიწყო და 77-ე წუთზე, როდესაც მისი გუნდი 0:2-ს აგებდა, მოედანი ნაადრევად დაატოვებინეს. გოჩოლეიშვილმა მეორე ყვითელი ბარათი მიიღო და მთავარმა არბიტრმა, კრისტიან დინგერტმა წითელი ბარათი უჩვენა.

გაძევებამდე, „გოჩოლას“ კარგი მომენტი ჰქონდა. 48-ე წუთზე გიორგიმ საკუთარი ნახევრიდან ბრწყინვალე გადაცემა გააკეთა რანსფორდ კონიგსდორფერი მეკარესთან პირისპირ დატოვა. განელმა ფეხბურთელმა შანსი გამოიყენა და ანგარიში 1:1 გახადა, თუმცა მომენტის გადამოწმებაზე აღმოჩნდა, რომ ის მცველებზე ოდნავ წინ იმყოფებოდა.

ამრიგად, „ჰამბურგს“ ერთი ქულა დარჩა და სატურნირო ცხრილის მე-11 პოზიციას იკავებს. „როტოზენი“ მომდევნო შეხვედრას 13 სექტემბერს გამართავს და სტუმრად „ბაიერნს“ დაუპირისპირდება.