„მინდა, რომ დარჩეს, მაგრამ...“ | ფონსეკამ მიქაუტაძეზე ისაუბრა
„ლიონის“ მთავარმა მწვრთნელმა, პაულო ფონსეკამ მატჩისწინა პრესკონფერენცია გამართა. ფრანგული კლუბის თავკაცს ერთ-ერთი შეკითხვა გიორგი მიქაუტაძესა და მალიკ ფოფანას მომავალზე დაუსვეს, რომელთა წასვლის შანსიც ძალიან მაღალია.
„მიქაუტაძე და ფოფანა ჩვენთვის ძალიან მნიშვნელოვანი მოთამაშეები არიან, თუმცა ვიცი, კლუბი რა სიტუაციაში იმყოფება და ფეხბურთელის გაყიდვა გვესაჭიროება. მთავარი ისაა, რომ ამ სიტუაციასთან გასამკლავებლად მზად ვართ.
მინდა, მიქაუტაძე და ფოფანა გუნდში დარჩნენ, თუმცა მესმის, კლუბი რა მდგომარეობაშიც იმყოფება. იქნებიან თუ არა მარსელთან ძირითადში? ვფიქრობ, რომ კი. გუნდს მათთან ერთად ვამზადებ. წარმოდგენა არ მაქვს, მატჩის შემდეგ რა მოხდება, თუმცა თამაშისთვის ორივე ფეხბურთელთან ერთად ვემზადებით.“
შეგახსენებთ, რომ მიქაუტაძეს გადაბირებით „ასტონ ვილა“ და „ვილიარეალი“ ინტერესდებიან. ბოლო საათებში ბირმინგემულ კლუბზე აქტიურად იწერება და გავრცელდა ინფორმაცია, რომ „ასტონ ვილამ“ მიქაუტაძესთან პირადი კონტრაქტის დეტალები შეათანხმა.
