ოფიციალურად | ებერეჩი ეზე არსენალის ფეხბურთელია
ლონდონის „არსენალმა“ ებერეჩი ეზე დაიმატა. ინფორმაცია ამის შესახებ „მეთოფეების“ ოფიციალურ ვებგვერდზე გამოქვეყნდა.
Sky Sports-ის ინფორმაციით, ეზეს სანაცვლოდ „არსენალმა“ „კრისტალ პალასს“ 60 მილიონი გირვანქა სტერლინგი გადაუხადა, კიდევ 7.5 მილიონი კი ბონუსების სახით არის გათვალისწინებული. ეზემ „არსენალთან“ 4-წლიანი კონტრაქტი გააფორმა და 10-ნომრიანი მაისურით ითამაშებს.
აღსანიშნავია, რომ 27 წლის შემტევი „არსენალის“ აკადემიის აღზრდილია. მას ქპრ-ში და „უიკომბში“ უთამაშია, 2020 წლიდან კი „კრისტალ პალასის“ ღირსებას იცავდა. გასულ სეზონში ეზემ 43 მატჩში 14 გოლი გაიტანა და 11 ასისტი მიითვალა.
Welcome to The Arsenal, Ebere Eze ????
— Arsenal (@Arsenal) August 23, 2025
