კუნთის მცირე დისკომფორტი - კვარაცხელია ანჟერთან მატჩს გამოტოვებს
ხვიჩა კვარაცხელია ტრავმის გამო შემდეგ მატჩში პსჟ-ს ვერ დაეხმარება.
არსებულ ინფორმაციას ცნობილი ჟურნალისტი ფაბრის ჰოუკინსი ავრცელებს და წერს, რომ კვარაცხელიას კუნთებში მცირე დისკომფორტი აქვს და ამიტომ დღეს ლიგა 1-ის მეორე ტურის შეხვედრაში „ანჟერთან“ ვერ ითამაშებს.
????Khvicha Kvaratskhelia n’est pas dans le groupe pour PSG / Angers. Simple gêne musculaire. pic.twitter.com/xLiIIeTuV5
— Fabrice Hawkins (@FabriceHawkins) August 22, 2025
2025/26 წლების სეზონის სტარტი კვარას საკმაოდ მძიმე გამოსდის. ჯერჯერობით სასურველი ფორმისგან შორსაა და კონდიციების სრულად აღსაღდგენად გარკვეული დრო დასჭირდება, რაც 4 სექტემბრამდე ანუ თურქეთთან მატჩამდე რთული შესასრულებელი იქნება, რადგან პსჟ სანაკრებო პაუზამდე მხოლოდ ორ მატჩს გამართავს: დღეს „ანჟერთან“ და 30 აგვისტოს სტუმრად „ტულუზასთან“.
ასე, რომ კვარაცხელიას სანაკრებო პაუზამდე მხოლოდ ერთი მატჩი ექნება, რომ 90 წუთის თამაშის საშუალება მიეცეს.
პსჟ „ანჟერის“ მატჩი დღეს პარიზში გაიმართება. შეხვედრა 22:45-ზე დაიწყება.
