ჩაკვეტაძე ვალენსიაში კვლავ გააქტიურდა - „ღამურები“ შეთავაზებას ამზადებენ
საქართველოს ნაკრებისა და „უოტფორდის“ შემტევის, გიორგი ჩაკვეტაძის „ვალენსიაში“ შესაძლო ტრანსფერი კვლავ აქტუალური ხდება.
ცოტა ხნის წინ, ცნობილმა ესპანელმა სატრანსფერო ჟურნალისტმა, ექტორ გომესმა დაწერა, რომ „ღამურები“ ქართველი ფეხბურთელის ტრანსფერს მიუბრუნდნენ და ჩაკვეტაძის გარემოცვასაც დაუკავშირდნენ.
ამის შესახებ კიდევ ერთი ჟურნალისტი, ჟოელ ტატაიც წერს, რომელიც ამბობს, რომ ჩაკვეტაძის „ვალენსიაში“ გადაყვანა პირადად კარლოს კორბენანს უნდა და იმედი აქვს, რომ ქართველი ფეხბურთელის დარწმუნებაში თავის წვლილს გუნდის ყოფილი მეკარე, გიორგი მამარდაშვილიც შეიტანს.
Informa @Generaldepie_ en @TribunaVCF que el Valencia sigue interesado en Chakvetadze.
— Joel Tatay (@JoelTatay_) July 23, 2025
Gusta a Corberán y el jugador está apretando al Watford para venir al VCF pic.twitter.com/inVX9UdiYS
შეგახსენებთ, რომ გიორგი ჩაკვეტაძე „უოტფორდში“ 2024 წლიდან თამაშობს და კლუბის მაისურით ჩატარებულ 73 შეხვედრაში 3 გოლი გაიტანა და 9 საგოლე გადაცემა შეასრულა.
