ბაიერნი ნიკო უილიამსის დამატებას ცდილობს

„ატლეტიკ ბილბაოსა“ და ესპანეთის ნაკრების გარემარბი, ნიკო უილიამსი „ბაიერნის“ მთავარი სატრანსფერო სამიზნე გახდა.

როგორც Sport Bild-ი წერს, მიუნხენელებმა 22 წლის ფეხბურთელის წარმომადგენლებთან მოლაპარაკებები უკვე გამართეს.

ნიკოს გამოსასყიდი 60 მილიონი ევროა, ხელფასის ოდენობა კი 15-დან 20 მილიონამდე ევრო იქნება.

ცნობისთვის, მიმდინარე სეზონში, უილიამსმა ყველა ტურნირზე ერთად, 45 მატჩში მიიღო მონაწილეობა, 11 გოლი გაიტანა და 7 საგოლე გადაცემა შეასრულა. Transfermarkt-ზე მისი საბაზრო ღირებულება 70 მილიონი ევროა.

ნიკო „ატლეტიკ ბილბაოში“ 2021 წლიდან თამაშობს და მისი მიმდინარე კონტრაქტი 2027 წლის 30 ივნისამდეა გათვლილი.