გრიზმანმა ატლეტიკოსთან კონტრაქტი გაახანგრძლივა

ანტუან გრიზმანი მადრიდის „ატლეტიკოში“ რჩება.

34 წლის ფორვარდმა და კლუბმა ახალი კონტრაქტი გააფორმეს, რომელიც 2027 წლამდეა გათვლილი.

ფრანგი ფეხბურთელი „ატლეტიკოში“ 2014-დან 2019 წლამდეც თამაშობდა და მადრიდულ კლუბში 2021 წელს დაბრუნდა.

მიმდინარე სეზონში, გრიზმანმა 38 მატჩი ჩაატარა, 8 გოლი გაიტანა და 7 ასისტი მიითვალა. Transfermarkt-ზე მისი საბაზრო ღირებულება 22 მილიონი ევროა.