ლივერპულის საჩემპიონო აღლუმზე ხალხში ავტომობილი შევარდა
„ლივერპულის“ საჩემპიონო აღლუმზე ქუჩაში სადაც უამრავი ადამიანი იმყოფებოდა მოულოდნელად მანქანა გამოჩნდა, რომელიც პირდაპირ ხალხს დაეჯახა და შედეგად 50-მდე ადამიანი დაშავდა.
საბედნიეროდ არავინ გარდაცვლილა. პოლიციამ ხსენებული ავტომობილის მძღოლი მალევე დააკავა, რომელიც 53 წლის თეთრკანიანი მამაკაცი აღმოჩნდა. „ლივერპულის“ ქომაგები მასთან ფიზიკურად გასწორებას ცდილობდნენ, რა დროსაც სამართალდამცავებთან შეტაკებაც მოუწიათ.
This man on the floor is a HERO who with other good lads of Liverpool tried to stop the horrific car collision, please share this, we need more people like this man and all those who tried to stop the van, prepared to risk their lives to stop others being killed #lfc #Liverpool… pic.twitter.com/WBBGYFAXI7
— Dortie (@24SevenEyes) May 26, 2025
სასწრაფო დახმარების სამსახურში აცხადებენ, რომ 27 ადამიანი საავადმყოფოში გადაიყვანეს, მათგან ორი, მათ შორის ერთი ბავშვი, მძიმედ დაშავდა. შემთხვევის ადგილზე სამედიცინო დახმარება კიდევ 20-მა ადამიანმა მიიღო. მსხვერპლთა შორის ოთხი ბავშვია.
და ბოლოს, პოლიცია მომხდარს არ განიხილავს, როგორც ტერორიზმს. ამ ეტაპზე დაკავებულის მოტივი და მეტი დეტალი ცნობილი არ არის.
