რა ტრავმა?! | დვალიშვილი ოქტაგონზე გასასვლელად მზადაა
UFC-ის სუპერ მსუბუქი წონითი დივიზიონის ჩემპიონმა, მერაბ დვალიშვილმა სოციალურ ქსელში პოსტი გამოაქვეყნა და გულშემატკივრები დაამშვიდა. რამდენიმე დღის წინ, „მანქანამ“ ფეხის თითი იტკინა, მაგრამ დაზიანება მისთვის პრობლემას არ წარმოადგენს და ოქტაგონზე გასასვლელად მზადაა.
„შუგა, გირჩევნია, ღონისძიებაზე გამოცხადდე და მოდი, ხალხს კარგი ჩხუბი ვაჩვენოთ. არავითარი თავის გასამართლებელი მიზეზი შენთვის, არავითარი თავის გასამართლებელი მიზეზი ჩემთვის. ხალხო, გპირდებით, რომ მაგარ დროს გაატარებთ და კარგ ორთაბრძოლას ნახავთ. ჯანმრთელი ვარ, მზად ვარ და მშიერი ვარ“, - განაცხადა მერაბმა სოციალურ ქსელში, რამდენიმე საათის წინ გავრცელებულ ვიდეოში, რომელშიც გორაკიდან უპრობლემოდ ეშვება.
View this post on Instagram
ცნობისთვის, დვალიშვილის მწვრთნელის, ჯონ ვუდის თქმით, მერაბმა ფეხის თითი მოიტეხა, მაგრამ ჩხუბს არ ჩაეხსნება. ვუდის მიხედვით, „მანქანას“ ბევრად რთული ტრავმები გადაუტანია და ოქტაგონზე მაინც გასულა.
Merab Dvalishvili injures his toe just 2 weeks out from the Sean O'Malley rematch ????
— Championship Rounds (@ChampRDS) May 23, 2025
"It's okay, I'm gonna cut it off."
???? IG / vato.gv #UFC316 pic.twitter.com/91YVmKSWAh
როგორც მოგეხსენებათ, მერაბის მომდევნო მეტოქე შონ ომალია. მათი საჩემპიონო ორთაბრძოლა UFC 316-ის მთავარი მოვლენა იქნება, რომელიც თბილისის დროით, 8 ივნისს გაიმართება.
