ნაკრების ყოფილი ფორვარდი სათამაშოდ ფინეთის მე-4 ლიგაში გადავიდა
საქართველოს ეროვნული საფეხბურთო ნაკრების ყოფილი თავდამსხმელი, 35 წლის ირაკლი სირბილაძე, კარიერას ფინეთის მე-4 ლიგის კლუბ "იიპოში" გააგრძელებს.
ქართველმა ფორვარდმა ახალ გუნდთან 1+1 სისტემის კონტრაქტი გააფორმა.
სირბილაძე ფინეთის ჩემპიონატში 2009 წლიდან თამაშობს და "კაჯაანის", "კოკოლასა" და "ინტერის" მაისური მოუგია.
მისი კარიერის ყველაზე წარმატებული პერიოდი სწორედ "ინტერს" უკავშირდება, რადგანაც 2012 წლიდან ირაკლი კლუბის ერთ-ერთი ლიდერი გახლდათ და კარგი თამაშის გამო, მიწვევა საქართველოს ნაკრებიდანაც მიიღო.
ირაკლი სირბილაძეს ჩვენი ნაკრების ფორმით 5 შეხვედრა უთამაშია, თუმცა გოლი არ გაუტანია.
