მამუკელაშვილის 11 ქულა | სან ანტონიო დეტროიტთან უშანსოდ დამარცხდა
სანდრო მამუკელაშვილის „სან ანტონიო სპურსის“ წაუგებელი სერია „დეტროიტ პისტონსმა“ დაასრულა. „სან ანტონიოს“ ზედიზედ სამი გამარჯვება ჰქონდა და გამთენიისას, „დეტროიტთან“ სტუმრად გამართულ შეხვედრაში უშანსოდ დამარცხდა - 96:122.
მამუკელაშვილს 16 წუთი და 54 წამი დაუთმეს. ამ დროის განმავლობაში, სანდრო პროდუქტიული იყო და 11 ქულა, 2 მოხსნა და 1 შედეგიანი გადაცემა გაიფორმა. „მამუმ“ 4-დან 3 სამქულიანი და 3-დან 1 ორქულიანი ჩააგდო, მის პასივში კი 5 პერსონალური ფოლი იყო. ბოლო პერიოდში, ქართველი კალათბურთელი კარგად გამოიყურება და 10-ქულიანი ნიშნული ბოლო 7 შეხვედრიდან მეექვსეში გადალახა.
Beginning of dialog window. Escape will cancel and close the window.
End of dialog window.
„სან ანტონიოს“ რიგებში ყველაზე მეტი, 26 ქულა დევინ ვესელის ანგარიშზეა. სტეფონ კასლმა მატჩი 19 ქულით დაასრულა. „პისტონსის“ მხრიდან საუკეთესო მარკუს სასერი იყო - 27 ქულა, 4 მოხსნა. ტობაიას ჰერისმა 15 ქულა დააგროვა, მალიკ ბიზლიმ - 13.
Beginning of dialog window. Escape will cancel and close the window.
End of dialog window.
ცნობისთვის, „სან ანტონიოს“ 31 მოგება და 40 წაგება აქვს და დასავლეთ კონფერენციაში მე-13 გახლავთ. „სპურსი“ მეათე ადგილს, რომელიც პლეი-ინში თამაშის უფლებას იძლევა, 4 მოგებით ჩამორჩება და მომდევნო შეხვედრა 28 მარტს, „კლივლენდ კავალიერსის“ წინააღმდეგ ელის.
