უაითი კრივის ახალ ორგანიზაციაზე: იქ MMA-ს მებრძოლებს ვერასდროს ნახავთ
დენა უაითმა კრივის ახალ ორგანიზაციაზე ილაპარაკა, რომელიც რამდენიმე დღის წინ ჩამოყალიბდა.
UFC-ს პრეზიდენტის განმარტებით, ამ ლიგაში MMA-ს მებრძოლები არ იქნებიან.
„არა, MMA-ს მებრძოლებს იქ არასდროს იხილავთ. კარგად ვიცი, რომ ბევრი რინგზე გამოსვლაზე ოცნებობს, მაგრამ საერთოდ არ მაინტერესებს. MMA-ს მებრძოლები MMA-ში დარჩებიან, მოკრივეები კი - კრივში“, - თქვა უაითმა.
შეგახსენებთ, რომ კომპანია TKO Group-მა, რომელშიც UFC და WWE შედიან, საუდის არაბეთის გართობის სამმართველოსთან, კრივის ახალი პრომოუშენის შექმნის შესახებ, მრავალწლიანი შეთანხმება გააფორმა.
ლიგის სახელი ჯერჯერობით არ ვრცელდება. რაც შეეხება პირველ ღონისძიებას, ის 2026 წელს გაიმართება.
