მერებაშვილის მორიგი გოლი პოლონეთის ჩემპიონატში

საქართველოს ნაკრებისა და პლოცკის "ვისლას" შემტევმა გიორგი მერებაშვილმა პოლონეთის ჩემპიონატში მორიგი გოლი გაიტანა.

მე-20 ტურის შეხვედრაში "ვისლამ" "სანდეცას" უმასპინძლა და ფრედ 2-2 ითამაშა.

მერებაშვილმა 27-ე წუთზე, როცა ანგარიში 0-1 იყო, შეხვედრაში წონასწორობა აღადგინა.

ქართველი ფეხბურთელი სასტარტო შემადგენლობაში იმყოფებოდა და მატჩი შეუცვლელად ჩაატარა.

სატურნირო ცხრილში "ვისლა" 20 ტურის შემდეგ 27 ქულით მე-9 პოზიციაზე იმყოფება.

შეგახსენებთ, რომ 31 წლის მერებაშვილი პოლონური კლუბის ღირსებას 2016 წლიდან იცავს. მის ანგარიშზე 52 შეხვედრაში 8 გოლი და 11 შედეგიანი გადაცემაა.